Сцяпанавіч (1807—52)

Вучоны медык, педагог. Нарадзіўся ў маёнтку Канстанцінава ў Рэчыцкім пав. Мінскай губ. ў дваранскай сям'і. Атрымаў хатнюю пачатковую адука­цыю. У 1823 паступіў на юрыдычны факультэт Віленскага універсітэта, але неўзабаве перайшоў на фізічнае, по­тым на філалагічнае i ўрэшце на медыцынскае аддзяленне, якое i скончыў. Яшчэ студэнтам быў памочнікам патолагаанатама i набыў багаты практич­ны вопыт у гэтай галіне медыцыны. У 1831 прызначаны ардынатарам у ваенны шпіталь. 3 1834 — першы выкладчык паталагічнай анатоміі ў Віленскай медыкахірургічнай акадэміі. У 1838 атрымаў ступень доктара медыцыны. 3 1840 ардынарны прафесар на кафедры анатоміі Маскоўскага універсітэта. Чытаў  лекцыі,  вёў  практычныя  за­нято!. Адначасова працаваў урачом пры двюх маскоўскіх бальніцах. Аўтар прац «Аб сутнасці халеры» (1849), «Аб уздзеянні маслянай кіслаты на жывёльны арганізм» (1852), «Прапіламін пры раматусе» i інш., артыкулаў у дадатку да перекладу «Настаўленне па анатамапаталагічнай анатоміі i дыягностыцы» (1853) i інш.