Старасвецкая Беларусь
Галерэі
Уваход
Зараз на сайце
Цяпер 617 госцяў анлайнСІЛІВАНОВІЧ Нікадзім |
Юр'евіч [12(25).12.1834—1919]
Жывапісец, педагог. Нарадзіўся ў в. Цынцавічы Вілейскага пав. Мінскай губ. (непадалёк ад Маладзечна) у сялянскай сям'і. У 1854 скончыў Маладзечанскае павятовае 5класнае вучылішча, дзе атрымаў агульную i спецыяльную адукацыю. Першыя крокі ў выяўленчым мастацтве зрабіў у жанры партрэта. У гэтым жанры спецыялізаваўся i ў час навучання ў Пецярбургскай Акадэміі мастацтваў, куды паступіў у 1859. У 1863 атрымаў звание свабоднага мастака i вярнуўся ў родную вёску. У 1864 па запрашэнні Лідскага павятовага праўлення пачаў афармляць храмы: пісаў іконы, а таксама партрэты царкоўных i інш. дзеячаў. За работы, прадстаўленыя акадэмічнаму савету, у 1866 атрымаў званне класнага мастака 3й ступені. Захапіўшыся мазаікай i маючы намер удасканаліць майстэрства ў гэтай галіне, ён паступіў вучнем у мазаічны
СанктПецярбург. Ісакіеўская плошча.
клас Акадэміі мастацтваў, пасля паспяховага завяршэння якога ў 1870 залічаны выкладчыкам гэтага класа з прысваеннем звания класнага мастака 2й ступені. Удасканальваючы майстэрства ў галіне партрэта, С. паглыбляў псіхалагічную i сацыяльную характарыстыку. Яго партрэты пачалі нагадваць побытавыя карціны, якія выразна паказвалі сімпатыі мастака да простата народа. У 1874 С. атрымаў званне класнага мастака 1й ступені. У пачатку 1870х гадоў удзельнічаў у афармленні Ісакіеўскага сабора ў Пецярбургу, дзе ён сумесна з мазаістам Іванам Лавярэцкім выканаў у тэхніцы мазаікі «Тайную вячэру» для галоўнага іканастаса. За гэтую работу ў 1877 С. присвоена званне акадэміка i ён прызначаны старшым мастакоммазаістам. Вольныя ад працы ў Акадэміі дні С. выкарыстоўваў для падарожжаў па роднай Беларусі, адкуль кожны раз прывозіў багаты матэрыял для побытавых кампазіцый. Творчасць мастака развівалася ў пераходны перыяд ад класіцызму да рэалізму, што знайшло адлюстраванне ў яго работах. Ён унёс у гісторыю беларускага жывапісу свежы дэмакратычны струмень. У Дзяржаўным мастацкім музеі Беларусі i Дзяржаўным мастацкім музеі Літвы захоўваюцца выкананыя ім партрэты «Стары пастух», «Аўтапартрэт», «Партрэт жонкі», «Партрэт сына», «Рустэйкайтэ», «Партрэт мужчыны», «Партрэт жанчыны», «Павятовы стараста», жанравыя кампазіцыі «У школу», «Дзеці ў двары», «Салдат i хлопчык».
Літ.: Дробаў Л.Н. Беларускія Macтаю XIX ст. Мн., 1971; Яго ж. Паходзіў з дзяржаўных сялян // Мастацтва Беларусь 1985. № 8. |