Бунтоўная трылогія беларускага пісьменніка Васіля Цімафеевіча Якавенкі "Пакутны век", выдадзеная ў 2006 годзе ў складзе раманаў "Кабала", "Надлом" і "Гульня на згубу", знайшла сабе ўдзячных чытачоў і гарачых прыхільнікаў, атрымала ўсхваляваныя чытацкія водгукі ў друку. У ёй расказана пра тое, пра што раней  маўчалі.

Гранічна праўдзівая, шматгранная на адлюстраванне жыцця, яна была  названа карыфеем філалогіі Алегам Лойкам творам усебеларускім, усеславянскім і ўсееўрапейскім. Ён прасякнуты ідэяй нацыянальнага самасцвярджэння, адраджэння беларускай дзяржаўнасці і ахоплівае падзеі на Беларусі і ў свеце больш, чым за сто гадоў.
Аўтарам падрыхтавана да друку ў 2009 годзе  новая рэдакцыя "Пакутнага веку", яна дапоўнена новымі раздзеламі, паглыблена ў сутнасць эпахальных падзей, гістарычных характараў.    2-е выданне будзе яшчэ больш дагледжана па мове і іншых выяўленчых сродках, палепшылася  вёрстка. Аб'ём  –  890 старонак.
Не застаецца сумненняў, што ў паноўленай рэдакцыі эпапея  прынясе чытачам новае эстэтычнае задавальненне, суперажыванне і радасць ад сустрэч з цікавымі, яркімі, каларытнымі па духу героямі, ад дакранання да малавядомых фактаў і таямніц нацыянальнай і сусветнай гісторыі, яна пакіне ў душы добры эмацыянальны зарад.
Аўтар абвяшчае збор дабрачынных сродкаў для падтрымкі выдавецкага праекта.
Пры перасылцы грошай у памеры 40 тысяч рублёў на адрас 220116, Мінск – 116, п/с 268, кожны атрымае не толькі аўтарскую ўдзячнасць, але і новую кнігу з аўтографам.
Калі ласка, разам ажыццявім праект!
Аўтар кнігі  пры падтрымцы сакратарыята Саюза беларускіх пісьменнікаў.
Кантактныя тэлефоны:  
+375 29 //  776 77 13   МТС  альбо    30 44 064  Velcom