ГРАБОЎСКІ Стэфан

(1767, в. Асташына Навагрудскага пав. – 1847), военачальнік, адзін з актыўных кіраўнікоў паўстання 1794 г. Вызначыўся ў баях за вызваленне Вільні ад расійскага гарнізона (красавік 1794). Удзельнічаў у абароне Вільні (ліпень 1794). У канцы 1794 г. узначаліў рэйд двухтысячнага атрада паўстанцаў на Міншчыну ( Араны – Койданава – Пухавічы – Бабруйск – Любань). Пасля Любанскага бою (04.09.1794) вымушаны капітуліраваць. Быў сасланы ў Кастрамскую губерню.