ШЧЭЦЬКА Васіль

(15.03.1923, в. Апечкі Стаўбцоўскага р-на Мінскай вобл.), актыўны дзеяч беларускай дыяспары ў Амерыцы. Паступіў у Баранавічскую медыцынскую школу (1942), не скончыў. Выехаў у Германію (1943), там далучыўся да беларускага войска пад камандаваннем Францішка Кушаля. У Рэзенбергу вучыўся ў беларускай гімназіі імя Янкі Купалы. У складзе “Дваццаткі” паехаў у Англію. Скончыў Лювенскі універсітэт. Пераехаў у ЗША (1956). Працаваў прыбіральшчыкам у офісе, бібліятэкарам Калумбійскага універсітэта. Адпрацаваў 25 гадоў.
 

У Старадарожскім мастацкім музеі знаходзіцца твор:

Анатоль Змітравіч Крывенка (1942, Мінск). 

“Васіль Шчэцька. Актыўны дзеяч беларускай дыяспары ў Амерыцы”. 1996. 

ДВП, алей. 40х30 см.