ОРДА Напалеон

(1807, в. Варацэвічы Іванаўскі р-н  – 1883), піяніст, кампазітар, мастак-графік, педагог. Мастацкую адукацыю атрымаў у студыі Ф.Жэрара  (Парыж). Творчасць яго звязана з мастацкім жыццём Беларусі і Польшчы. Член тайнага студэнцкага таварыства “Заране”, удзельнік паўстання 1830 – 1831 гадоў, эмігрыраваў у Францыю, дружыў з Ф.Шапэнам і А.Міцкевічам. У сярэдзіне 1840-х гадоў дырэктар Італьянскай оперы ў Парыжы. Аўтар “Граматыкі музыкі” (Варшава, 1873), высока ацэненай  С.Манюшкам. Шмат падарожнічаў, рабіў замалёўкі   помнікаў архітэктуры і мясцін, звязаных з жыццём знакамітых людзей, у т.л. звыш 200 у Беларусі. Па яго малюнках і акварэлях (1850 –1870)  створаны і выданы ў Варшаве літаграфіі (260 графічных лістоў у 8 серыях). Малюнкі Н.Орды зберагаюцца ў Нацыянальным музеі ў Кракаве (Польшча). У 1997 г. у г. Іванава Брэсцкай вобл. пастаўлены помнік Н.Орды (скульптар І.У.Голубеў).

У Старадарожскім мастацкім музеі захоўваецца твор:

Ігар Уладзіміравіч Голубеў (1961, Мінск).

“Бюст Напалеона Орды”. 2007.

Гіпс таніраваны. 25х19х11 см.

Ігар Уладзіміравіч Голубеў (1961, Мінск).

Медальён “Помнік Напалеону Ордзе”. 2007.

Кераміка, солі, маніраванне. 12,5х10 см.