Старасвецкая Беларусь
Галерэі
Уваход
Зараз на сайце
Цяпер 511 госцяў анлайнАРЛЯ-АШМЯНЕЦ |
Фердынанд Францавіч (1775—?)
Педагог, пісьменнік. Нарадзіўся на Беларусі. Пасля заканчэння Галоўнай Полацкай школы быў настаўнікам у Дынабургскім, потым у Віцебскім i Аршанскім павятовых вучылішчах. У 1800—08 працаваў настаўнікам у Полацкім, Рагачоўскім i Камянецкім вучылішчах, у 1808 перайшоў у Курскую гімназію. У 1813 пераехаў у г. Арол, дзе выкладаў статыстыку, гісторыю, геаграфію, старажытнасці, міфалогію i лацінскую мову. Тут ён распачаў два перыядычныя выданні: «Друг россиян и их единомышленников...» (выйшла ў канцы 1816) i «Отечественный памятник, посвященный дружелюбному соединению российских и польских народов» (кн. 1—3, 1817—18), якія друкаваліся ў Маскве. Абодва выданні мелі на мэце «змацаваць у вечным саюзе непарушнай дружнасці розумы i сэрцы славянарасійскіх i польскіх народаў праз асвету i дабрачыннасць». 3 Арла А.А. пераехаў у Магілёў, дзе пэўны час быў выкладчыкам гімназіі, a ў 1818 пераведзены ў Маладзечанскае вучылішча настаўнікам гісторыі права, лацінскай мовы. |