НЕКРАШЭВІЧ Сцяпан Міхайлавіч

(08.05.1883, в. Данілаўка Светлагорскага р-на – 20.12.1937), беларускі мовазнавец і грамадскі дзеяч. Акадэмік АН БССР (1928). Скончыў Віленскі настаўніцкі інстытут (1913). Старшыня аддзела гуманітарных навук Інбелкульта (1926), віцэ-прэзідэнт АН Беларусі (1928), дырэктар Інстытута мовазнаўства АН Беларусі. Асноўныя даследаванні па лексікаграфіі і гісторыі беларускай мовы. Разам з М.Я.Байковым выдаў “Беларуска-расійскі слоўнік” (1925).  У 1930 г. арыштаваны па справе “СВБ”, асуджаны на 5 гадоў высылкі ў г. Саранск (Расія). У канцы 1937 г. зноў арыштаваны, прывезены ў Мінск і прыгавораны да ВМП. Рэебілітаваны ў 1957 ў 1988 гадах.

Мікола Лаўрэнцьевіч Несцярэўскі (1931, Мінск).

“Некрашэвіч Сцяпан” З нізкі “Дзеячы Беларускага нацыянальнага Адраджэння”. 2005.

Кераміка, вашчэнне. 30х15 см

Анатоль Змітравіч Крывенка (Мінск).

“Некрашэвіч Сцяпан”.

ДВП, алей.