На 24 снежня прызначана асвячэнне ў Трасцянцы памятнага крыжа на месцы забойства ксяндза Вінцэнта Гадлеўскага

Шыльду Ларысе Геніюш у Ваўкавыску будуць “судзіць”?

Сёньня ў Ваўкавыску не адбылося адкрыцьця памятнай шыльды, прысьвечанай вядомай беларускай паэтцы Ларысе Геніюш. Шыльда зьнікла са сьцяны прыватнага дому на вуліцы Перамогі, 40. Мясцовы краязнаўца Мікалай Кавальчук, які павесіў шыльду, быў затрыманы. Яго выпусьцілі з пастарунку толькі праз тры гадзіны.

У жыцці беларускай Вільні значная падзея. У свет выйшла кніга “Беларусы ў Літве: учора і сёння. Кніга І”. Напісаў яе жыхар Вільні, выхадзец з Шаркоўшчыны  Алесь Адамковіч.

Сёння, 21 сакавіка, у Вільні ўшанавалі чарговую гадавіну з дня смерці нацыянальнага героя Кастуся Каліноўскага.

10 снежня 2009 года, у адпаведнасці са Статутам Генеральнай асамблеі Міжнароднай акадэміі навук Еўразіі  (МАНЕ) былі абраны новыя члены  акадэміі.

Калекцыянер. Вучоны. Стваральнік прыватнага музея (да 70-годдзя з дня нараджэння)

Белы Анатоль Яўхімавіч нарадзіўся 10 снежня 1939 года ў горадзе Старыя Дарогі Мінскай вобласці.  Беларускі грамадска-культурны дзеяч, вучоны, калекцыянер, стваральнік прыватнага мастацкага музея ў горадзе Старыя Дарогі. Скончыў Беларускі дзяржаўны універсітэт (1967). З 1995 года выкладаў у БДУ. Старшыня грамадска-асветніцкага клуба “Спадчына” (1984). Член Саюза мастакоў Беларусі (1995). Член Саюза беларускіх пісьменнікаў (1999). Прафесар, дыпламант Міжнароднага Кембрыджскага цэнтра (Англія, 1999). Член Міжнароднай  Акадэміі навук Еўразіі (Мінск, 2005).

Мінскаму клубу “Спадчына” і надалей так трымаць кірунак! (да 25-годдзя клуба “Спадчына”)

Клуб “Спадчына” – культурна-асветны клуб. Створаны ў сакавіку 1984 года ў Мінску з мэтай прапаганды і папулярызацыі беларускай культуры і гісторыі. Кіраўніцтва ажыццяўляе рада на чале са старшынёй А.Я.Белым. На пасяджэнні запрашаюцца навукоўцы, літаратары, грамадскія дзеячы, абмяркоўваюцца іх навуковыя паведамленні і рэфераты. Члены клуба адзначаюць выдатныя падзеі ў грамадскім і культурным жыцці краіны, праводзяць мастацкія выстаўкі: “Кастусь Каліноўскі і студзеньскае паўстанне 1863 года ў Беларусі” (Мінск, Магілёў, 1990, 1991), “Францішак Скарына” (Мінск, Яраслаўль, ЗША, 1985, 1986, 1990, 1991), “Максім Багдановіч” (Мінск, 1993), “Уладары старажытнай Беларусі” (Мінск, 1996), “Дзеячы беларускага замежжа” (Мінск, 1994, 1996) і іншыя